کراچی: (ویب ڈیسک) پاکستان سپر لیگ (پی ایس ایل) فرنچائز ٹیموں کے ہوٹل سٹاف میں کوویڈ کیسز کی تصدیق ہوگئی ہے ۔
ذرائع کے مطابق بائیو سکیور ببل بنائے گئے ہوٹل میں 30 سٹاف ممبران میں ٹیسٹ مثبت آیا اور متاثرہ عملے کو قرنطینہ کردیا گیا ہے۔
دوسری جانب پی سی بی نے کوویڈ مینجمنٹ کمیٹی بنا دی ہے ، کمیٹی نے تمام کھلاڑیوں اور آفیشلز کے لئے کوویڈ پروٹوکولز بنا دئیے ہیں ، پی ایس ایل میں بائیو ببل کا حصہ افراد کو سختی سے عمل کرنے کی ہدایت کی گئی ہے۔
پروٹو کولز کی خلاف ورزی کرنے والے سے سختی سے نمٹا جائے گا ، کھلاڑیوں کو اپنے ببل زون سے نکلنے کی مکمل پابندی ہوگی ، کوئی کسی کے ساتھ پانی کی بوتل، تولیہ اور دیگر ذاتی اشیاء کا تبادلہ نہیں کرسکتا ، میچ سے پہلے اور بعد کھلاڑی مصافحہ نہیں کریں گے جبکہ کھلاڑیوں کو گراؤنڈ اور ڈریسنگ رومز میں اپنے کپڑے نہ چھوڑنے کی ہدایت کی گئی ہے۔
