اسپینش فٹ بال لیگ لالیگا میں گرینیڈا نے ایٹلیٹکو میڈرڈ کو دلچسپ مقابلے کے بعد ایک کے مقابلے میں 2 گول سے شکست دے دی۔
لالیگا کے اس میچ میں پہلے ایٹلیٹکو میڈرڈ نے برتری حاصل کی، یہ گول دوسرے منٹ میں فلیکس نے اسکور کیا جبکہ گرینیڈا نے کھیل کے 17ویں منٹ میں خسارہ پورا کردیا، یہ گول ڈارون میچس نے اسکور کیا، پہلے ہاف کے اختتام تک مقابلہ ایک، ایک گول سے برابر رہا۔
دوسرے ہاف میں گرینیڈا کے مولینا نے گیند حریف ٹیم کے جال میں پہنچائی، ابتداء میں ریفری نے گرینیڈا کے کھلاڑی کو آف سائیڈ قرار دے کر گول رد کردیا تھا مگر ری ویو دیکھنے کے بعد فیصلہ گرینیڈا کے حق میں دے دیا۔
گرینیڈا کی یہ برتری کھیل کے اختتام تک برقرار رہی جس نے یہ مقابلہ دو ایک کے اسکور سے اپنے نام کرلیا۔
