پاکستان کرکٹ ٹیم دورہ ویسٹ انڈیز مکمل کرکے جمیکا سے لندن پہنچ گئی۔
قومی کرکٹ ٹیم کے کھلاڑی آج رات لندن سے وطن واپس پہنچیں گے،یاسر شاہ اور نسیم شاہ کیریبیئن پریمیئر لیگ میں شرکت کے لیے ویسٹ انڈیز ہی رک گئے ہیں۔
فاسٹ بولر محمد عباس اور سینیئر بلے باز اظہرعلی انگلینڈ میں کاؤنٹی سیزن کھیلیں گے اس لیے وہ دونوں لندن میں ہی رکیں گے۔
ان کے علاوہ کوچ مصباح الحق کورونا ٹیسٹ مثبت آنے کے باعث اسکواڈ کے ساتھ وطن واپس نہیں آئیں گے وہ جمیکا میں ہی قرنطینہ ہوگئے ہیں۔
