پاکستان پریمیئر فٹ بال لیگ کا آج سے آغاز ہوگا۔
تفصیلات کے مطابق پاکستان پریمیئر فٹ بال لیگ کے آغاز میں قاسم باغ اسٹیڈیم ملتان میں افتتاحی میچ میں سوئی سدرن گیس اور واپڈا آمنے سامنے ہونگے۔
واضح رہے کہ ملک کے سب سے بڑے فٹبال ایونٹ پاکستان پریمیئر لیگ میں 12 ٹیمیں شرکت کر رہی ہیں، ایونٹ کی دفاعی چیمپیئن خان ریسرچ لیبارٹریز پانچ مرتبہ ٹائٹل جیت چکی ہے۔
ذرائع نے بتایا ہے کہ پریمیئر لیگ میں پاکستان آرمی، سوئی سدرن گیس کمپنی، پاکستان ایئرفورس، پی سی سی اے، مسلم کلب چمن، پاکستان نیوی، پاکستان واپڈا، سوئی نادرن گیس پائپ لائنز، لائل پور ایف سی، کراچی یونائیٹڈ اور ہما کلب اسلام آباد کی ٹیمیں شرکت کر رہی ہیں۔
ذرائع نے مزید بتایا ہے کہ آج ایونٹ کے پہلے روز دو میچز ہونگے، پہلے میچ میں سوئی سدرن گیس کمپنی کا واپڈا سے رات 8 بجے مقابلہ ہوگا جبکہ پاکستان آرمی اور پاکستان ایئرفورس کی ٹیمیں رات 10 بجے آمنے سامنے ہونگی۔
