وزیراعظم کا کہنا ہے کہ دہشتگردی پرقابو پانےکے بعد سیاحت میں اضافہ ہوا ہے۔
تفصیلات کے مطابق وزیراعظم عمران خان نے ناران میں صحافیوں سےگفتگو کرتے ہوئے کہا ہے کہ سوئٹزرلینڈ کوسیاحت سے 80 ارب ڈالرملتا ہے، خیبرپختونخوا میں سیاحت کی وجہ سےغربت میں کمی آئی ہے۔
ان کا کہنا ہے کہ سیاحت کافروغ امن کےبغیرممکن نہیں ہے، بیرون ممالک کےسیاح خود کو محفوظ سمجھیں گے تو پاکستان آئیں گے، صوبائی حکومتوں کو سیاحت سےمتعلق قوانین کی تیاری کی ہدایت کی ہے۔
وزیراعظم نے کہا ہے کہ ملک میں مذہبی اورتاریخی سیاحت کی گنجائش موجود ہے، نتھیا گلی جیسے 15 نئے سیاحتی مکانات بنائے جا سکتے ہیں، سیاحوں کو متوجہ کرنے کے لیے کئی کھیل متعارف کرائے جا رہے ہیں۔
عمران خان نے مزید کہا ہے کہ پاکستان میں سردیوں میں سیاحت کو فروغ دینے کی ضرورت ہے، موبائل فون کی وجہ سےسیاحت میں اضافہ ہورہا ہے، سوشل میڈیا پرتصاویرڈالنےسے لوگ متوجہ ہوتے ہیں۔