داکارہ ہانیہ عامر اپنے پسندیدہ کرداروں میں خود بھی ڈھل جاتی ہیں، ان کا اگلاروپ “حلیمہ سلطان ” کا ہے۔
ہانیہ آج کل پاکستان میں مقبولیت کے ریکارڈ قائم کرنے والا ڈرامہ “ارطغرل غازی” دیکھ رہی ہیں جس میں ان کا پسندیدہ کردار حلیمہ سلطان کا ہے۔انسٹا پوسٹ میں ہانیہ نے لکھا “اگرآپ مجھے مختلف طریقے کا برتاؤکرتے ہوئے دیکھیں تو یہ غالبا اس وجہ سے ہے کہ میں نے ایک نیا شو دیکھنا شروع کیا ہے اور اس میں اپنے سب سے پسندیدہ کردار کو اپنا لیا ہےکیپشن میں فالوورز کے لیے ہانیہ نے ” اگلا کردار : حلیمہ سلطان” لکھ کربتا دیا کہ اس ڈرامے میں وہ کون سا کیریکٹراپنانے جارہی ہیں۔ہانیہ کی پوسٹ پرکیے جانے والے مختلف تبصروں میں ایک فالوور نے یہ سوال بھی اٹھایا کہ آپ نے کہا تھا میں ترکش ڈرامے نہیں دیکھتی، جس کا فی الحال اداکارہ کی جانب سے کوئی جواب نہیں دیا گیا ہے۔ہانیہ ماڈلنگ اور گلوکاری بھی کرتی ہیں۔ ان کے آن ائرڈراموں میں “عشقیہ ” اور “دلربا” شامل ہیں۔ڈرامہ “ارطغرل غازی ” کو وزیراعظم عمران خان کی ہدایت پر پاکستان میں یکم رمضان المبارک سے سرکاری ٹی وی پراردو ڈبنگ کے ساتھ نشر کیا جارہا ہے جس میں 13ویں صدی میں سلطنت عثمانیہ کے قیام سے قبل اسلامی فتوحات کا سلسلہ دکھایا گیا ہے۔
