نئی دہلی(ویب ڈیسک ) بھارت میں کورونا وائرس کے باعث نافذ کیا گیا ملک گیرلاک ڈاوَن ختم کرنے کا اعلان کر دیا گیا ہے۔غیر ملکی خبر رساں ادارے کے مطابق بھارتی وزارت داخلہ کی جانب سے جاری بیان میں کہا گیا ہے کہ پہلےمرحلے میں عبادت گاہیں، ریسٹورنٹس اور شاپنگ مالز کھولےجائیں گے۔بھارتی وزارت داخلہ نے دوسرے مرحلے میں ریاستی حکام سے مشورے کے بعد تعلیمی ادارے کھولنے کا بھی اعلان کیا ہے۔خیال رہے کہ بھارت میں کورونا وائرس سے ہلاکتوں کی تعداد 5 ہزار سے تجاوز کر چکی ہے جبکہ عالمی وبا سے متاثرہ افراد کی تعداد ایک لاکھ 80 ہزار سے زائد ہے۔
