حسن علی کا دل بھی بھارتی حسینہ پر آگیا،کھلاڑی نے کیا وضاحت کی؟

لاہور(ویب ڈیسک)قومی ٹیم کے نوجوان فاسٹ باﺅلر حسن علی نے اپنی شادی کے حوالے سے جاری قیاس آرائیوں کی وضاحت کرتے ہوئے کہا ہے کہ ابھی ان کی شادی کے بارے میں کوئی بھی حتمی فیصلہ نہیں ہوا۔ذرائع ابلاغ میں حسن علی شادی کے حوالے سے خبریں زیر گردش ہیں کہ وہ بھارتی ریاست ہریانہ کی رہائشی شامیہ آرزو سے شادی کرنے والے ہیں اور 20 جولائی کو دونوں کی شادی ہو گی۔تاہم حسن علی نے اپنی شادی کے حوالے سے خبروں کی وضاحت کرتے ہوئے اپنی شادی کی تردید تو نہیں کی تاہم ان کا کہنا ہے کہ ابھی شادی کا کوئی حتمی فیصلہ نہیں ہوا۔انہوں نے سماجی رابطوں کی ویب سائٹ ٹوئٹر پر اپنے پیغام میں کہا کہ ابھی میری شادی طے نہیں ہوئی، ہمارے خاندانوں کو ابھی ملنا ہے اور وہ اس بارے میں کوئی فیصلہ کریں گے جس کے بعد ہم اعلان کردیں گے۔شامیہ آرزو نے مانو رچنا یونیورسٹی سے ایرو ناٹکس کی ڈگری حاصل کی اور اس وقت ایمرٹس ایئرلائن میں بطور فلائٹ انجینئر کام کر رہی ہیں۔ذرائع کے مطابق ان دونوں کی ملاقات فلائٹ میں ہی ہوئی اور ان دونوں میں ایک سال سے ملاقاتوں کا سلسلہ جاری ہے۔