ویمن ایشز سیریز، انگلینڈ اور آسٹریلیا کی ٹیمیں تیسرے اور آخری ٹی ٹونٹی میچ میں پرسوں مدمقابل ہوں گی

برسٹول (ویب ڈیسک) انگلینڈ اور آسٹریلیا ویمن ٹیموں کے درمیان جاری ایشز سیریز کے سلسلے میں تیسرا اور آخری ٹی ٹونٹی انٹرنیشنل کرکٹ میچ پرسوں بدھ کو برسٹول کے مقام پر کھیلا جائے گا۔آسٹریلوی ٹیم ایشز سیریز میں اب تک ناقابل شکست ہے اور وہ پہلے ہی ون ڈے سیریز جیت کر اور ٹیسٹ میچ ڈرا کھیل کر ٹائٹل کا دفاع کر چکی ہے۔اس کے علاوہ آسٹریلوی ویمنز ٹیم کو انگلینڈ ویمن کے خلاف ٹی ٹونٹی سیریز میں بھی 2-0 کی فیصلہ کن برتری حاصل ہے، ا?سٹریلوی ٹیم نے انگلینڈ کو پہلے ٹی ٹونٹی میچ میں 91 رنز سے ہرایا تھا جبکہ دوسرے میچ میں انگلینڈ ویمن ٹیم کو 7 وکٹوں سے شکست دی تھی۔ واضح رہے کہ دونوں ٹیموں کے درمیان تیسرا اور ا?خری ٹی ٹونٹی کرکٹ میچ بدھ کو کھیلا جائے گا۔