کرپٹ اپوزیشن ٹولہ یوم سیاہ کے بعد یوم حساب کی تیاری کرے:صوبائی وزیر سید صمصام علی بخاری

لاہور(صدف نعیم)صوبائی وزیر سید صمصام علی بخاری نے کہا ہے کہ شہبازشریف ڈیلی میل اخبارپر کیس کرکے کرپشن نہیں چھپاسکتے۔ قوم جانتی ہے کہ شہبازشریف کے پاس اخبار پر کیس کیلئے لاکھوں پاﺅنڈ کہاں سے آئے؟کرپٹ سیاستدانوں کو عوام سے ذرا سی بھی ہمدردی ہے تو لوٹی ہوئی رقوم لوٹا دیں ۔آج اپنے ایک بیان میں صوبائی وزیر نے کہا کہ کرپٹ اپوزیشن ٹولہ یوم سیاہ کے بعد یوم حساب کی تیاری کرے۔ انہوں نے کہا کہ عوام اپوزیشن ٹولے کی کرپشن پر غضب ناک ہیں۔ آنے والا وقت کرپٹ عناصر کیلئے مزید پریشان کن ثابت ہوگا۔ صوبائی وزیر نے کہا کہ اپوزیشن کا جمہوریت کوخطرے والا بیانیہ بے کار ہوگیاہے۔ عمران خان آئندہ سیاسی منظر کرپشن فری بنانے کیلئے پرعزم ہیں۔ بدعنوانوں کو سزا دیئے بغیر ملک آگے نہیں بڑھ سکتا۔ سید صمصام علی بخاری نے کہا کہ کرپٹ سیاستدانوں کو عوام سے ذرا سی بھی ہمدردی ہے تو لوٹی ہوئی رقوم لوٹا دیں۔ شریف برادران کا واویلا ان کو احتساب سے نہیں بچاسکتا۔ صوبائی وزیر نے کہا کہ کرپشن زدہ لوگ عوام کی آنکھوں میں دھول نہیں جھونک سکتے۔ اپوزیشن پارٹیوں کا اتحادکرپشن بچاﺅ مہم کا حصہ ہے۔