ترقیاتی منصوبوں کیلئے 52 ارب جاری ، خود نگرانی کرونگا : عثمان بزدار

لاہور(وقائع نگار)وزیراعلیٰ پنجاب سردار عثمان بزدار کی زیرصدارت وزےراعلیٰ آفس مےں اجلاس منعقد ہوا،اجلاس مےں لاہور ڈویلپمنٹ اتھارٹی کی کارکردگی اور جاری منصوبوں پر پیش رفت کا جائزہ لیا گیا۔ وزےراعلیٰ نے اےل ڈی اے مےںانجےنئرنگ و ٹےکنےکل سٹاف کی خالی آسامےوں پر بھرتی کی منظوری دےتے ہوئے ہداےت کی کہ ٹےکنےکل سٹاف کی خالی آسامےوں پرصرف اشد ضرورت کے تحت بھرتی کی جائے۔ اجلاس مےں شاہکام چوک پرٹرےفک جام کے دےرےنہ مسئلے کے حل کےلئے فلائی اوور کی تعمیر اور ڈیفنس روڈ سے لیبر کالونی شاہکام چوک تک سڑک کے توسیعی منصوبے کو جلد شروع کرنے کا فےصلہ کےا گےا۔ وزےراعلیٰ نے شہر کی سڑکوں کی مرمت کا کام جلدازجلد مکمل کرنے کی ہداےت کرتے ہوئے کہاکہ اےل ڈی اے اورضلعی انتظامےہ اپنی حدود مےں خستہ حال سڑکوں کی مرمت ےقےنی بنائےں۔ ایل ڈی اے اور ضلعی انتظامےہ کے زیرانتظام سڑکوں کی تعمیر و مرمت کے منصوبے ترجیحی بنیادوں پر مکمل کئے جائیں۔ وزےراعلیٰ نے کہا کہ لاہور کے انڈر پاسز کی تزئےن وآرائش کی جائے گی اور انڈرپاسز کو منسوب ناموں کے مطابق اپ لفٹ کےا جائے گا۔ ادارے کے امور مےں شفافےت لانے کےلئے اےل ڈی اے کو مکمل طور پر آٹو مےشن پر منتقل کرنے کا فےصلہ کےا گےا۔ وزیراعلیٰ پنجاب سردار عثمان بزدار سے وزےراعلیٰ آفس مےں رکن صوبائی اسمبلی سردار محمد محی الدین خان کھوسہ ، سابق رکن قومی اسمبلی سردار محمد سیف الدین خان کھوسہ اور سردار عمر کھوسہ نے ملاقات کی۔ وزےراعلیٰ عثمان بزدار نے اس موقع پر گفتگو کرتے ہوئے کہا کہ پسماندہ علاقوں کی ترقی خصوصاً جنوبی پنجاب کے عوام کی فلاح وبہبود کےلئے جاری منصوبوں کی خود نگرانی کر رہا ہوں۔ تحرےک انصاف کی حکومت نے وسائل کا رخ پسماندہ علاقوں کو ترقی یافتہ بنانے کی جانب موڑ دےا ہے۔ انہوں نے کہا کہ جنوبی پنجاب کےلئے مختص فنڈز کسی اور منصوبے ےا شہرکو منتقل نہےں ہوسکےںگے۔ جنوبی پنجاب کے عوام کو ماضی مےں دلفرےب نعروں سے بہلاےا گےا۔ سابق دور میں نمائشی منصوبوں پر قومی وسائل ضائع کئے گئے۔ وزیراعلیٰ پنجاب سردار عثمان بزدار نے کہا ہے کہ حکومت نے سالانہ ترقیاتی پروگرام 2019-20 ئ کے تحت مختلف منصوبوں کیلئے 52 ارب روپے جاری کر دیئے ہےں اور ترقیاتی منصوبوں کی مانیٹرنگ کیلئے جامع میکانزم تشکیل دیا گیا ہے۔ تحصیل، ضلع، ڈویڑن اور صوبے کی سطح پر منصوبوں کی کڑی مانیٹرنگ ہوگی اور منصوبوں کے تعمیراتی کاموں کے معیار پر کوئی سمجھوتہ نہیں ہوگا۔ وزےراعلیٰ نے ہداےت کی کہ سالانہ ترقیاتی پروگرام کے تحت منصوبوں پر کام کی رفتار تیزکی جائے اور رواں مالی سال کے سالانہ ترقےاتی پروگرام کے تحت مختلف منصوبوں کےلئے جاری فنڈز کا بروقت استعمال یقینی بنایا جائے کےونکہ عوام کی فلاح وبہبود کے منصوبوں کی مقرر کردہ مدت مےں تکمےل ضروری ہے اورفنڈز کے بروقت استعمال سے عوام فلاح عامہ کے منصوبوں کے ثمرات سے مستفےد ہوتے ہےں۔ انہوںنے کہا کہ فلاح عامہ کے منصوبوںکےلئے فنڈز کے استعمال میں تاخےر برداشت نہےں کی جائے گی۔ وزیراعلیٰ پنجاب سردار عثمان بزدار نے کہا ہے کہ وزیراعظم عمران خان اور امریکی صدر ڈونلڈ ٹرمپ کی ملاقات سے خطے میں امن کی راہ ہموار ہوئی ہے۔ وزیراعظم عمران خان کوامریکہ میں تاریخ ساز پذیرائی اور سفارتی محاذ پر بڑی کامیابیاں ملی ہیں۔ امریکی صدر کی مسئلہ کشمیر پر ثالثی کی پیشکش پاک بھارت تنازعات کے حل میں اہم کردار ادا کرے گی۔ وزیراعلیٰ نے کہا کہ پاکستان اور امریکہ کے تعلقات میں بہتری آرہی ہے اور وزیراعظم عمران خان کا دورہ امریکہ تعلقات کو نئی جہت دے گا۔ وزیراعلیٰ پنجاب سردار عثمان بزدار نے تحریک پاکستان کے کارکن و سابق ہاکی اولمپیئن خواجہ اسلم کے انتقال پر گہرے دکھ اور افسوس کا اظہار کیا ہے۔ وزیراعلیٰ پنجاب سردار عثمان بزدار نے صادق آباد کے علاقے میں 12 سالہ لڑکے کو مبینہ طور پر پھانسی دینے کے واقعہ کا نوٹس لیتے ہوئے ڈی پی او رحیم یار خان سے رپورٹ طلب کرلی ہے اور واقعہ کی تحقیقات کا حکم دیا ہے۔