ملک میں تمام چوروں کوٹکٹکی لگے گی،جوجتناچیخ رہاہے وہ ٹکٹکی کے قریب ہے،شیخ رشید

لاہور:(ویب ڈیسک)وزیر ریلوے شیخ رشید نے کہا ہے کہ ملک میں تمام چوروں کوٹکٹکی لگے گی،وزیراعظم سے کہاجس جس نے قوم کاپیسہ کھایاہے وصول کیاجائے۔وزیر ریلوے شیخ رشید نے پریس کانفرنس کرتے ہوئے کہا کہ ابھی توکھیل شروع ہوا ہے،آپ چیخیں ماررہے ہیں،قوم کوپہلے بھی کہاجوجتناچیخ رہاہے وہ ٹکٹکی کے قریب ہے۔انہوں نے کہا کہ4ماہ پہلے کہاتھا جھاڑوپھرےگی،بعض لوگوں کے وکٹ کے دونوں طرف تعلقات ہوتے ہیں،ابھی تو کھیل شروع ہوا ہے چیخیں تو نکلیں گی ، تین چار بندے زیادہ چیخ رہے ہیں،ابھی تو آگے آگے دیکھیں ہوتا ہے کیا ،پوری دنیامیں عمران خان کو ایمانداری کا اعزازحاصل ہے ، انہوں نے کہا کہ ہر آدمی اپنی جان بچاتا ہے ،سلطانی گواہ بننا عام بات نہیں ، اپوزیشن جتنی مرضی اکٹھی ہو جائے کچھ نہیں ہو گا ،پوری اپوزیشن میں صرف مولانا فضل الرحمان قابل ذکر ہیں، ان کا کہناتھاکہ مدرسوں کی طرف کوئی بری آنکھ سے نہیں دیکھ سکتا، مولانافضل الرحمان عجیب عجیب باتیں کررہے ہیں،مولانا فضل الرحمان سیاست کی بنیادپر کھیلیں ،وزیر ریلوے نے کہا کہ ہم نے 5 ارب روپے ریلوے کا خسارہ کم کیا ہے ، جلد 5 نئی ٹرینیں چلانے جارہے ہیں،ریلوے کی مال گاڑیوں سے مقررہ اہداف سے زائدآمدن ہوئی، انہوں نے کہا کہ ریلوے نظام کی بہتری کیلئے کنٹریکٹ پربھرتیاں کی جائیں گی،6ماہ بعدریلوے ملازمین کی تنخواہوں میں 10 فیصداضافہ کیا جائےگا، ملازمین کی مستقلی کیلئے ہدایات جاری کردیں،انہوں نے کہا کہ عمران خان کی قیادت میں ریلوے کی جتنی خدمت ہوسکی کروں گا،مال گاڑیوں سے مقررہ اہداف سے زیادہ آمدن حاصل ہوا،بڑے ادارے ریلوے میں سرمایہ کاری کےلئے تیار ہیں۔