چینی باشندے سے شادی کرنیوالی لڑکی اجتماعی زیادتی کا شکار ، متاثرہ بھاگ کر خبریں آفس پہنچ گئی ، انصاف کی اپیل

گوجرانوالہ (بیورو رپورٹ) حوا کی بیٹی کب تک لٹتی رہے گی سگے بھائیوں نے بہن کو دس لاکھ کے عوض چینی کے ساتھ بیاہ دیا رشتہ کروانے والے نے سہانے خواب دیکھا کر لڑکی کو بیاہا لڑکی خاوند کے چال چلن دیکھ کر راولپنڈی ہوسٹل سے فرار، میرے ساتھ میرا خاوند اور غیر مرد زنا بالجبرکرتے رہے بھاگ کر لڑکی خبریں آفس پہنچ گئی۔ تفصیلات کے مطابق سمیرہ بی بی ولد چمن مسیح کا والد فوت ہوچکا تھا اس کے دونوں بھائیوں نے بیرون ملک جانے اور عیش و عشرت کی زندگی گزارنے کیلئے سگی بہن کو 10 لاکھ روپے فروخت کردیا تھا سمیرہ بی بی مسلم چک علاقہ تھانہ صدر کی رہائشی ہے اس کے نکھٹو بھائیوں نے سہانے خواب دیکھا کر بہن کی شادی چائنیز لڑکے سے کردی کہ ہمیں چائنہ کی شہرت مل جائیگی سگی بہن کو سبز باغ دیکھا کر اس کی شادی کردی سمیرہ بی بی نے ہاتھ جوڑا اور بھیگی آنکھوں سے بتایا کہ شادی کے بعد مجھے راولپنڈی ہاسٹل جہاں زیادہ تعداد چائنیز کی ہے وہاں رکھا جبکہ میرا شوہر اپنے علاوہ مجھے دوستوں کیساتھ زبردستی راتین گزارنے کیلئے کہتا میں نے اس کو کہا کہ میری آپ سے شادی ہوئی ہے میرے جسم کے آپ حقدار ہیں لیکن میرا شوہر مجھ پر بری طرح تشددکرتا تھا اور زبردستی ان کے ساتھ راتیں گزارنے پر مجبور کرتا رہا میں ہر روز زندہ ہونے کے باوجود بے جان جسم کی مانند کھلونا بن چکی ہے مجھ پر انکشاف ہوا کہ چائنیز میرے دونوں بھائیوں کو دس لاکھ روپے دئےے تھے اب میں بھاگ کر پناہ کی تلاش میں واپس گھر آئی چائینز مقامی افراد کیساتھ ملکر دھمکیاں دیتا ہے کہ لڑکی بھی لینی ہے اور دس لاکھ روپے بھی لینے ہیں میری بوڑھی ماں ہیں سمیرہ بی بی نے بتایا کہ اب ہم نے دس لاکھ روپے دے دیئے ہیں مگر اب بھی چائینز مقامی کرائے کے غنڈوں سے ہراساں کررہا ہے سمیرہ بی بی نے خبریں کی وساطت سے وزیراعلی پنجا ب آئی جی پنجاب سے تحفظ اور چائینز کیخلاف کارروائی کا مطالبہ کیا ہے خبریں کی وساطت سے تھانہ صدر گوجرانوالہ میں درخواست دیدی ہے خبریں ٹیم نے بتایا کہ وہ مکمل مقدمہ کی پیروی میں اس کا ساتھ دیکر انصاف دلائیں گے۔