قومی سکواڈمیں نئے لڑکوں کوانٹری ملنی چاہیے،طاہرشاہ,عابد کےلئے راستہ آسان نہیں،حسنین کوچانس ملنابھی مشکل،راجہ اسدعلی کی گگلی میں گفتگو

لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ میرے خیال میں شاداب خان کو آل راﺅنڈر نہیں کہنا چاہئے کبھی کبھار سکور کرنے سے کوئی آل راﺅنڈر نہیں بن جاتا۔ چینل فائیو کے پروگرام گگلی میں گفتگو کرتے ہوئے انہوں نے کہا کہ میرے خیال میں نئے لڑکوں کو موقع ملنا چاہئے ٹیم میں عابد علی کی پرفارمنس بہتر تھی۔ میں سمجھتا ہوں کہ ٹیم میں فٹنس کے مسائل ہیں فٹنس مسائل دور کرنے ہیں تو اندر ہی اندر فٹنس ٹیسٹ لینے کے بجائے پریس کو بلا کر ٹیسٹ کئے جائیں۔ کرکٹ کمنٹیٹر راجہ اسد علی نے کہا کہ مجھے نہیں لگتا عابد کے لئے راستہ آسان ہو گا۔عابد علی سو فیصد فٹ نہیں ورلڈ کپ بہت بڑا ایونٹ ہے انہیں اپنی فٹنس ثابت کرنا ہو گی۔حسنین کو چانس ملنا بھی مشکل ہے۔پی ایس ایل کی بنیاد پر پچاس اوورز کے میچ کے لئے سلیکشن نہیں کی جا سکتی پی ایس ایل فرسٹ کلاس نہیں۔کوچنگ سٹاف کو پتہ ہوتا ہے کون فٹ ہے کون نہیں۔