دبئی(سپورٹس ڈیسک) پاکستان اور آسٹریلیا کے درمیان پانچ ایک روزہ بین الاقوامی کرکٹ میچوں پر مشتمل سیریز کا پانچواں اور آخری میچ آج دبئی میں کھیلا جائے گا۔ ڈے اینڈ نائٹ میچ پاکستانی وقت کے مطابق شام 4بجے شروع ہوگا۔ آسٹریلوی ٹیم کو پاکستان کے خلاف پانچ ون ڈے میچوں کی سیریز میں 4-0 کی فیصلہ برتری حاصل ہے۔پاکستانی ٹیم کو وائٹ واش کی خفت سے بچنے کےلئے آج کامیچ لازمی جیتنا ہو گا ۔دوسری جانب آسٹریلین ٹیم نے ایشین سرزمین پر لگا تار 7 میچزجیتنے کااپناسابقہ ریکارڈبرابرکیاہے اورآخری میچ جیت کروہ نئے اعزازکی مالک بن جائے گی۔ڈیبیومیچ میں سنچری داغنے والے عابدعلی قومی ٹیم کی جانب سے اوپننگ کریں گے۔شان مسعوداورامام الحق میں سے کسی ایک کو موقع ملنے کاامکان ہے۔شعیب ملک تاحال انجری سے نجات نہیں پاسکے جس کی وجہ سے ان کی میچ میں شرکت مشکوک ہے۔ آسٹریلین کپتان ایرون فنچ آخری میچ جیت کر وائٹ کرنے کےلئے پرعزم ہیں۔ان کاکہنا ہے کہ پلیئرزنے سیریزکے دوران شاندارکھیل کامظاہرہ کیاامیدہے پلیئرزجیت کے تسلسل کوبرقراررکھیں گے۔آسٹریلیا نے پہلے میچ میں پاکستا ن کو 8 وکٹوں سے شکست دی تھی، دوسرے میچ میں کینگروز نے پاکستان کو 8 وکٹوں سے مات دی، تیسرے میچ میں آسٹریلوی ٹیم نے گرین شرٹس کو 80 رنز سے شکست دی جبکہ چوتھے میچ میں 6 رنز سے ہرا کر 5 میچوں کی سیریز میں 4-0 کی فیصلہ کن برتری حاصل کر رکھی ہے۔
