روس پاکستان کے گیس سیکٹر میں 10 ارب ڈالر کی سرمایہ کاری کریگا

اسلام آباد(مانیٹرنگ ڈیسک) روس، پاکستان کے گیس سیکٹر میں10ارب ڈالرز کی سرمایہ کاری کرے گا، معاہدہ طے پاگیا، پاکستان کو روزانہ ایک ارب کیوبک فٹ گیس بھی فراہم کی جائے گی، اعلامیے کے مطابق روسی وفد نے وزیر پٹرولیم غلام سرور خان سے ان کے دفتر میں ملاقات کی جہاں ،روسی کمپنی گیزپروم کے نمائندے وٹالی مارکلوف اور آئی جی ایس کے منیجنگ ڈائریکٹر مبین صولب نے 10ارب ڈالر کی سرمایہ کاری کے معاہدے پر دستخط کئے، منصوبے کے تحت مقامی سطح پر گیس فراہمی کے نظام کی بہتری اور نئی پائپ لائن کی تنصیب پر کام کیا جائے گا، حکام پٹرولیم ڈویژن کے مطابق روسی کمپنی شمال تا جنوب پائپ لائن بچھائے گی، ساتھ ہی زیر سمندر تیل و گیس کے ذخائر بھی تلاش کرے گی، منصوبہ تین سے چار سال میں مکمل ہوگا، حکام نے بتایا کہ معاہدے کے تحت پاکستان کو 50کروڑ سے 1ارب کیوبک فٹ تک یومیہ گیس ملے گی جو روس سے سمندری راستے کے ذریعے فراہم کی جائے گی، وزیر پٹرولیم غلام سرور خان نے معاہدے کو خوش آئند قرر دیتے ہوئے اسے روس اور پاکستان کے درمیان کثیر المقاصد سے تشبیہ دی ہے