شیخوپورہ (ویب ڈیسک)وزیر ریلوے شیخ رشیدکی شیخوپورہ ریلوے سٹیشن آمد پر مسافروں نے شدید احتجاج کیا،مسافر ریلوے کی بدحالی اور مشکلات پر پھٹ پڑے۔ وزیر ریلوے شیخ رشید بذریعہ ٹرین شیخوپورہ ریلوے سٹیشن پہنچ گئے، وزیر ریلوے کی آمد پر مسافروں نے شدید احتجاج کیا،مسافر ریلوے کی بدحالی اور مشکلات پر پھٹ پڑے، مظاہرین کا کہنا ہے کہ ریلوے میں عوام کو دی جانیوالی سفری سہولیات کہاں ہیں۔دوسری جانب وزیر ریلوے شیخ رشید نے میڈیا سے گفتگو کرتے ہوئے کہا کہ ڈیل ہو رہی ہے اور نہ ڈھیل دی جا رہی ہے ،ہم عمران خان اور پی ٹی آئی کے ساتھ کھڑے ہیں ،انہوں نے کہا کہ اللہ کو منظور ہوا تو معاملات ٹھیک ہو جائیں گے۔
