بابرکاآﺅٹ ہونامیچ کاٹرننگ پوائنٹ ثابت ہوا:طاہرشاہ، ٹی 20میںقومی ٹیم کو باﺅلنگ لائن اپ پرخاص توجہ دیناہوگی:سابق کرکٹرکی گگلی میں گفتگو

لاہور(مانیٹرنگ ڈیسک )سابق فرسٹ کلاس کرکٹر طاہر شاہ نے کہا ہے کہ شنواری نے ٹی ٹوئنٹی میچ میں آخری اوور میں29رنز کھا لئے ایسا لگتا تھا اس نے خود کو بیٹسمین کے آگے ڈھیرکر دیا تھا کہ جتنا مار سکتے ہو مار لو۔چینل فائیو کے پروگرام گگلی میں گفتگو کرتے ہوئے انہوں نے کہا کہ کھلاڑیو ں میں جیتنے کی کوئی امنگ نظر نہیں آ رہی تھی ۔پاکستان کے کھلاڑیوں نے سوچے سمجھے بغیر شارٹس کھیلیں جو ہار کا سبب بنیں۔نوے سکور کے بعد بابر اعظم کو کریز پر ہی رہنا چاہئے تھا لیکن وہ بے اختیاطی کے باعث آﺅٹ ہو گئے جو میچ کا ٹرننگ پوائنٹ تھا حالانکہ ساﺅتھ افریقہ کے ہاتھ پاﺅں پھول چکے تھے۔میں سمجھتا ہوں پاکستان کو باﺅلنگ کی جانب توجہ دینا ہو گی۔شنواری بہت زیادہ سکور کھا گیا تھا اس قسم کی باﺅلنگ قابل قبول نہیں۔حسن علی کی باﺅلنگ بھی بہتر نہیں تھی۔ میرے خیال میںاس ٹیم سے ورلڈ کپ جیتنے کی توقع نہیں کی جا سکتی۔