کندھ کوٹ: (ویب ڈیسک)بلاول بھٹو زرداری نے اعتراض اٹھایا ہے کہ وزیراعلیٰ پنجاب عثمان بزدار میں ایسی کیا بات ہے کہ وزیراعظم عمران خان ڈھٹائی سے ان کا دفاع کررہے ہیں؟کندھ کوٹ میں جلسے کے بعد میڈیاسے گفتگو میں بلاول بھٹو نے کہا کہ ‘بے چارے وسیم اکرم بھی کہہ رہے ہیں کہ میرا کیا قصور ہے’۔ساتھ ہی ان کا کہنا تھا کہ ‘کرکٹ میں امپائر جبکہ سیاست میں عوام کی مرضی چلتی ہے’۔’وزیراعظم کا بزدار کو وسیم اکرم قرار دینا سابق کرکٹر کے ساتھ زیادتی ہے‘پیپلز پارٹی چیئرمین نے مزید کہا کہ ‘وفاق اٹھارہویں ترمیم پر عمل نہیں کر رہا اور جو ادارے سندھ نے بنائے، چھیننے کی کوشش کی جارہی ہے’۔انہوں نے کہا، ‘بدقسمتی سے اٹھارہویں آئینی ترمیم آج کل خطرے میں ہے، اٹھارہویں ترمیم پر ہر طرف سے حملے ہو رہے ہیں، لیکن ہم اس ترمیم پر آنچ نہیں آنے دیں گے اور پیپلز پارٹی پورے عزم کے ساتھ تمام قوتوں کا مقابلہ کرے گی’۔بلاول کا مزید کہنا تھا کہ ‘ہم اٹھارہویں ترمیم کے تحفظ کے لیے نہ صرف قانونی و سیاسی آپشن استعمال کریں گے بلکہ پارلیمنٹ کے اندر اور باہر بھی یہ معاملہ اٹھائ?ں گے’۔ان کا کہنا تھا، ‘ہم نے اپوز?شن جماعتوں سے مل کر طے کیا ہے کہ جمہوری، انسانی اور معاشی حقوم پر سمجھوتہ نہ?ں کریں گے’۔
