کوئٹہ ( آن لائن)پاکستان پیپلز پارٹی کے مرکزی رہنماءوسابق اپوزیشن لیڈر خورشید شاہ نے مسلم لیگ ن کے پارلیمانی لیڈر وسابق وزیر اعلیٰ بلوچستان نواب ثناءاللہ زہری سے بلوچستان میں ان کی حکومت گرانے پر معذرت کرتے ہوئے شرمندگی کا اظہار کیا ذرائع کے مطابق پاکستان پیپلز پارٹی کے مرکزی رہنماءوسابق اپوزیشن لیڈر سید خورشیدشاہ اور سابق وزیر اعلیٰ بلوچستان نواب ثناءاللہ زہری کی جام مدت کے بیٹے کی شادی میں آمنا سامنا ہوا جس پر خورشیدشاہ نے نواب ثناءاللہ زہری سے مخاطب ہوتے ہوئے کہا کہ آپ کی حکومت گرانے پر شرمندہ ہیں اور خورشیدشاہ نے نواب ثناءاللہ زہری سے حکومت گرانے کے معاملے پر معذرت بھی کی تاہم نواب ثناءاللہ زہری نے اس معاملے پر کوئی جواب نہیں دیا ۔
