بھوبنیشور(سپورٹس ڈیسک)14ویں ہاکی ورلڈکپ میں چین اورانگلینڈکامیچ سنسنی خیزمقابلے کے بعد2-2گول سے برابرہوگیا۔دفاعی چمپئن آسٹریلیا نے آئرلینڈکو2-1سے مات دی۔بھارت کے شہر بھوبنیشورمیں جاری میگا ایونٹ کے گروپ بی میں پہلی بار عالمی کپ کھیلنے والی چینی ٹیم نے انگلینڈکیخلاف حیران کن پرفارمنس کامظاہرہ کیا اور میچ 2-2سے ڈراکھیل کر 1پوائنٹ بھی حاصل کیا۔شی یاﺅ پنگ نے پہلے کوارٹرمیں چینی ٹیم کو سبقت دلائی۔14ویں منٹ میںمارک گلیک ہارن نے گول کرکے میچ برابرکردیا۔لیام آنسل نے آخری کوارٹرمیں گول داغ کر انگلش ٹیم کو سبقت دلائی۔کھیل ختم ہونے سے 1منٹ قبل ڈوتالیک نے پینلٹی کارنرپرگول کرکے میچ 2-2سے برابرکردیا۔گروپ بی کے ایک اورمیچ میں دفاعی چمپئن آسٹریلیا نے آئرلینڈکو2-1سے زیرکیا۔
