سابق امریکی صدر بُش سمیت مشہور شخصیات کے کپڑے سینے والے پاکستانی ٹیلر ماسٹر کی دھوم مچ گئی

کراچی (ویب ڈیسک) کراچی کے ٹیلر ماسٹر سرفراز نے نے امریکہ میں دھوم مچا دی ہے اور کئی معروف شخصیات کے ملبوسات لینے کا اعزاز حاصل کرنے کیساتھ امریکی صدر جارج بش کا دل بھی جیت لیا ہے۔تفصیلات کے مطابق سرفراز ناصرف امریکہ میں شہرت رکھتا ہے بلکہ دیگر ممالک میں بھی اپنی پہچان بنانے میں کامیاب ہو چکے ہیں اور اب یہ انکشاف ہوا ہے کہ سابق امریکی صدر جارج بش بھی سرفراز کی سلائی کے دیوانے ہیں۔ سرفراز اکبر کی کراچی کے علاقہ کلفٹن زمزمہ میں واقع ایمبیسڈر کے نام سے واقع دکان نے بیرون ممالک میں بھی دھوم مچا دی۔کپڑوں کی سلائی میں ان کی مہارت کی وجہ سے جو بھی ایک مرتبہ ان سے کپڑے سلوا لیتا ہے، وہ پھر کسی اور کے پاس نہیں جاتا اور یہی وجہ ہے کہ ان کا اپنے کئی پرانے گاہکوں کیساتھ رشتہ اب تک برقرار ہے۔ سرفراز کو سابق امریکی صدر جارج بش کے کپڑے سینے کا بھی اعزاز حاصل ہے۔ پاکستان کا نام روشن کرنے کیلئے کوشاں سرفراز کو ناصرف جارج بش بلکہ نامی گرامی شخصیات کے کپڑے سینے کا بھی اعزاز حاصل ہے۔