عمران خان کی چینی صدر سے ملاقات، وفود کی سطح پر مذاکرات

بیجنگ(ویب ڈیسک) وزیراعظم عمران خان کی چینی صدر شی جن پنگ سے ملاقات ہوئی، جس کے بعد دونوں ملکوں کے درمیان وفود کی سطح پر مذاکرات جاری ہیں۔چین کی طرف پاکستان کو 6ارب ڈالر کا پیکج دیئے جانے کی توقع ہے جبکہ ڈیڑھ ارب ڈالرز کی گرانٹ ملنے کابھی امکان ہے۔ملاقات میں مختلف شعبوں میں معاشی ،تجارتی اور اسٹریٹجک تعاون بڑھانے کے امور زیر غور آئے،وزیراعظم عمران خان نے چینی صدر کو سی پیک میں دیگر ممالک کی سرمایہ کاری سے متعلق اعتماد میں لیا،پاک چین اقتصادی راہداری سمیت دوطرفہ تعلقات کو مضبوط بنانے کی امور پر تبادلہ خیال کیا گیا ،دونوں طرف کے اعلیٰ سطح وفود بھی ملاقات میں شریک ہیں۔عمران خان اور چینی صدر شی جن پنگ کی ملاقات چین کے گریٹ ہال میں ہورہی ہے،واضح رہے کہ وزیراعظم عمران خان سے چین کے صدر کی یہ پہلی ملاقات ہے۔