مہوش حیات اوررباب ہاشم ویب سیریز میں اکٹھی جلوہ گر ہونگی

لاہور(شوبزڈیسک)ڈرامہ سیریل’ تمہارے ہیں‘ کی کامیابی کے بعد رباب ہاشم اور وجاہت رو¿ف ایک بار پھر یکجا ہورہے ہیں ویب سیریز کیلئے۔ رباب ہاشم اس نئی آنے والی سیریز میں مرکزی کردار ادا کریں گی جو کالج کی زندگی ، موسیقی سے محبت پر مشتمل ہے۔ اس سیریز میں مہوش حیات، اسد صدیقی اور اظفر رحمان بھی ادا کاری کے جوہر دکھائیں گے۔متعدد ٹی وی شو میں میزبانی اور بے شمار ڈرامہ سیریل کے بعد رباب ہاشم کی یہ پہلی ویب سیریز ہوگی جس کی وجاہت رو¿ف نے نہ صرف ہدایت کاری کی ہے بلکہ تحریر بھی کیا ہے۔ رباب پاکستان کی صف اول کی اداکارہ ہیں، انہوں نے شوبز میں بہت کم عمری میں قدم رکھا، رباب ہاشم نے چاہے سنجیدہ ہو یا مزاحیہ ہر طرح کے کردار میں اپنی منفرد اداکاری سے چار چاند لگائے۔رباب ہاشم نے بہت سے کامیاب ڈرامہ سیریلز میں بھی کردار ادا کئے۔ جو مختلف چینلز پر نشر ہوئے جس میںہم ٹی وی پر نشر ہونے والے زد، ایک تھی مثال، محبت خواب سفر، میں ماں نہیں بننا چاہتی۔ تم سے مل کر ‘تمہارے ہیں‘ پیا من بھائے، مرضی اور منت سرفہرست ہیں۔