ممبئی(ویب ڈیسک) مقبول گیت ’دلبر دلبر‘ کے ری میک کی اداکارہ نورا فتیحی ایک بار پھر جان ابراہم کے ساتھ فلم ’بٹلا ہاﺅس‘ میں دھماکے دار انٹری دیں گی۔بھارتی میڈیا رپورٹس کے مطابق بالی ووڈ کے ایکشن ہیرو جان ابراہم کی فلم ’ستیا میو جیاتے‘ میں شامل ماضی کے مشہور گیت ’دلبر دلبر‘ کے ری میک سے شہرت پانے والی کینیڈین نڑاد مراکشی اداکارہ نورا فتیحی ایک بار پھر جان ابراہم کے ساتھ فلم ’بٹلا ہاﺅس‘ میں جلوہ بکھیرتی نظر آئیں گی۔فلم میں شامل ہونے پر نورا فتیحی نے ٹوئٹ کے ذریعے خوشی کا اظہار کرتے ہوئے کہا کہ میں اس فلم میں اہم کردار ادا کررہی ہوں جب کہ میں فلم کے مرکزی کرداروں اور دیگر عملے کے ساتھ کام کرنے پر کافی پر جوش بھی ہوں۔واضح رہے کہ نکھیل ایڈوانی کی ہدایت کاری میں بننے والی فلم ’بٹلا ہاﺅس‘ کی کہانی 2008ء میں بھارت میں ہونے والے آپریشن پر مبنی ہے جس میں جان ابراہم انسپیکٹر سنجیو کمار یادیو کا کردار ادا کر رہے ہیں، یہ فلم 2019ء میں 15 اگست کے دن سنیما گھروں کی زینت بنے گی۔
