واشنگٹن(ویب ڈیسک) آئی ایم ایف کا وفد بیل آﺅٹ پیکج کے معاملے پر پاکستانی حکام سے مذاکرات کے لیے 7 نومبر کو اسلام آباد پہنچے گا۔ترجمان آئی ایم ایف گیری رائس کا کہنا ہے کہ وفد آئی ایم ایف بیل آﺅٹ پروگرام کے لیے پاکستان کی درخواست پر مذاکرات کرے گا۔گیری رائس نے کہا کہ اسٹاف لیول معاہد ے کو مزید غور کے لیے آئی ایم ایف کے ایگزیکٹو بورڈ کو بھیجا جائے گا تاہم ترجمان آئی ایم ایف نے پاکستان سے اسٹاف لیول معاہدے کا ٹائم ٹیبل نہیں بتایا۔خیال رہے کہ پاکستان نے اکتوبر میں انڈونیشیا میں آئی ایم ایف سے بیل آﺅٹ پروگرام کی درخواست کی تھی۔
