لاہور(شوبزڈیسک)بھارتی فلم پروڈیوسر و ڈائریکٹر مہیش بھٹ کی فلم ” جلیبی “ کا پہلا گیت ” پل “ ریلیز کردیا گیا ، فلم 12 اکتوبر کو سنیماو¿ں کی زینت بنے گی۔ارجیت سنگھ اور شریا گھوشال کی سریلی آوازوں میں ریکارڈ کئے گئے گیت کی دھن جاوید اور محسن نے ترتیب دی ہے۔پاکستان اور بھارت کے مابین فلموں کے ذریعے دوستانہ روابط کی ترویج کیلئے سرگرم معروف فلمساز مہیش بھٹ کی زیرپروڈکشن بننے والی نئی فلم ” جلیبی“ دنیا کے دیگر ممالک کے ساتھ آئندہ ماہ بارہ تاریخ کو سنیماو¿ں کی زینت بنے گی۔ فلم کے پاکستانی سنیماو¿ں میں نمائش کے حقوق ڈسٹری بیوشن کلب نے حاصل کر لئے ہیں۔ ڈائریکٹر پشپا دیپ کی ہدایت میں بنی ” جلیبی“سپر ہٹ بنگالی فلم پریکتن کا ری میک ہے جس میں نئی فنکار جوڑی ورون مترا، دیگنگنا سوریا ونشی اور ریہا چکرورتی نے مرکزی کردار ادا کئے ہیں۔
فلم کی موسیقی مہیش بھٹ کی روایتی فلموں کی طرح انتہائی مسحور کن ہے اور معروف گلوکاروں کے کے ، شلپا راو¿، ارجیت سنگھ اور شریا گھوشال سمیت دیگر گلوکاروں نے اپنی سریلی آوازوں سے فلم کے گیتوں سے سجایا ہے۔ نغمہ نگار کوثر منیر کا تحریر کردہ فلم کا پہلا گیت ” پل“ گذشتہ روز ریلیز کیا گیا جو ریلیز ہوتے ساتھ ہی یو ٹیوب اور سوشل میڈیا پر ہٹ ہوگیا ہے۔ تجزیہ نگاروں کے مطابق مہیش بھٹ کے بے مثال تجربے اور گائیڈ لائن سے بنایا گیا سریلا میوزک فلم کی کامیابی میں اہم کردار ادا کرے گا۔
