لاہور (مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ بال ٹمپرنگ ایک بہت پرانا کینسر ہے جو پھیلا ہوا ہے۔ جب پاکستانی ٹیم بال ٹمپرنگ کرتی تھی اس وقت کسی کو اس کا پتہ نہیں تھا۔ چینل ۵ کے پروگرام گگلی میں گفتگو کرتے ہوئے انہوں نے کہا ہماری ڈومیسٹک کرکٹ میں بال ٹمپرنگ کھلم کھلا ہے کیونکہ امپائر بڑے باﺅلرز سے ڈرتے ہیں۔ کچھ لوگوں نے تو یہ تک کہہ دیا کہ بال ٹمپرنگ کو قانونی قرار دیا جائے جو کہ کرکٹ کے منافی ہے۔ انہوں نے کہا کہ پاکستانی ٹیم کی قسمت ہے جو چھٹے سے پانچویں نمبر پرآ گئی ہے اگر فتح ملے تو اسے برقرار رکھنا چاہئے۔
