لندن(ویب ڈیسک) سابق گورنر پنجاب سلمان تاثیر کے بیٹے آتش تاثیر اور برطانوی شہزادی لیڈی گیبریلا کا 2003ء سے 2006ءتک چلنے والا معاشقہ ایک بار پھر موضوع بحث بن گیا ہے اور اسے دوبارہ موضوع بحث بنانے والا کوئی اور نہیں بلکہ خود آتش تاثیر ہے جس نے ایک آرٹیکل میں اس معاشقے کی تمام روداد لکھ کر دنیا کے سامنے پیش کر دی ہے۔ وینٹی فیئر (Vanity Fair)کے لیے لکھے گئے آرٹیکل میں آتش تاثیر نے لکھا ہے کہ اس نے شہزادی گیبریلا کے ساتھ بھرپور رومانوی وقت گزارا اور اس دوران انہوں نے بکنگھم پیلیس کے سوئمنگ پول میں ایک ساتھ برہنہ تیراکی بھی کی۔ انہوں نے کینسنگٹن پیلیس میں بھی شہزادی کے ساتھ خوشگوار وقت گزارا اور کئی یورپی ممالک کی سیر بھی انہوں نے ایک ساتھ کی۔ شاہی خاندان اور خود آتش تاثیر کے بھائی شہریار تاثیر کی طرف سے اس کے آرٹیکل کی شدید مذمت کی گئی ہے۔ 42سالہ شہریار تاثیر کا کہنا ہے کہ ”آتش تاثیر کا رویہ انتہائی کراہت آمیز اور قابل مذمت ہے۔ وہ توجہ کا طالب رہنے والا شخص ہے۔ چند ہفتے بعد شہزادی ہیری کی شادی ہونے والی ہے اور شاہی خاندان کے اس انتہائی اہم موقع سے قبل ایسا آرٹیکل لکھنا آتش کے ذہنی بیمار ہونے کی عکاسی کرتا ہے۔“ دوسری طرف میل آن لائن نے بتایا ہے کہ شہزادی گیبریلا کے ساتھ خلوت کے لمحات کو منظرعام پر لانے والا آتش تاثیر ہم جنس پرست ہے اور اس وقت اس نے 32سالہ ریان ڈیوس نامی سفید فام شخص کے ساتھ شادی کر رکھی ہے۔ آتش اور ریان 2015ئ میں شادی کرنے کے بعد سے مین ہٹن کے اَپر ویسٹ سائیڈ میں ایک فلیٹ میں رہائش پذیر ہیں۔ اس فلیٹ کی مالیت 12لاکھ پاو¿نڈ (تقریباً 19کروڑ 11لاکھ روپے) ہے۔ اس فلیٹ میں ان کے ساتھ ان کا ایک کتا بھی رہتا ہے جس کا نام ’زنک‘ ہے۔
