باربی ڈول کترینہ کیف ریکھا کی مشرقی خوبصورتی کی دیوانی نکلی

ممبئی(شوبزڈیسک) بالی وڈ کی باربی ڈول کترینہ کیف سدا بہار اداکارہ ریکھا کی دلکشی اور مشرقی خوبصورتی کی دیوانی نکلی ۔ گزشتہ روز بھارتی میڈیا سے گفتگو کرتے ہوئے کترینہ نے کہا کہ جب بھی ریکھا سے ملتی ہوں تو میں ان کی گرمجوشی’ دلکشی اور زندگی کے حوالے سے ان کا ولولہ دیکھ کر حیران رہ جاتی ہوں۔ انہوں نے کہا کہ میرا اور ریکھا کا فلموں میں ایک ساتھ وقت ہمیشہ بہت اچھا گزرا ہے اور آئندہ بھی بہت اچھا گزرے گا۔ انہوں نے سری دیوی کے انتقال پر افسوس کا اظہار کرتے ہوئے کہا کہ بالی ووڈ ایک عظیم اداکارہ سے محروم ہوگئی ہے۔