ہالی وڈ فلم ” بلیک پینتھر“ کی باکس آفس پر ٹاپ پوزیشن برقرار

لاس اینجلس (شوبز ڈیسک) ہالی ووڈ فلم بلیک پینتھر باکس آفس پر بدستور اپنی ٹاپ پوزیشن برقرار رکھے ہوئے ہے گزشتہ ہفتے فلم نے مزید گیارہ ارب اٹھانوے کروڑ روپے کمالئے۔ ریان کوگلر کی ہدایت کاری میں بننے والی فلم بلیک پینتھر میں مرکزی کردار اداکار چیڈ وِک بوسمین نے ادا کیا ہے، فلم کی کہانی ایک ایسے بادشاہ کے گِردگھوم رہی ہے جس کی سلطنت میں خانہ جنگی کا آغاز ہو جاتا ہے۔اپنی حکمرانی برقرار اور سلطنت کو بچانے کے لیے کنگ بلیک پینتھر کا روپ دھار کر سی آئی اے ایجنٹ اور سیکورٹی فورسز کی مدد سے اپنے دشمنوں کا خاتمہ کرنے کیلئے اعلانِ جنگ کر دیتا ہے۔فلم بلیک پینتھر اب تک چوالیس ارب روپے کما چکی ہے۔