لاہور (خصوصی رپورٹ) پنجاب پولیس کے بجٹ کی تیاری شروع کردی گئی۔ فنانس برانچ کی تمام آر پی اوز اور متعلقہ برانچز کو بجٹ بھجوانے کی ہدایت کردی۔ مجموعی بجٹ ایک کھرب اور دس ارب ہوگا۔ تفصیلات کے مطابق سی سی پی او لاہور‘ سی ٹی وی او لاہور‘ ایڈیشنل آئی جی پی ایچ پی‘ کمانڈنٹ ایلیٹ سکول سکول سمیت تمام آر پی اوز اور ڈی پی اوز کو ایسٹیمیٹڈ تیار کرکے فنانس برانچ کو بھجوانے کی ہدایت کی ہے۔ متعلقہ برانچ کا کہنا ہے کہ رواں ہفتے ایسٹیمیٹڈ بجٹ تیار کرلیا جائے اور حتمی منظوری کے لئے حکومت حکومت کو بھجوایا جائے گا۔ حکومت کی منظوری کے بعد جٹ کی رقم مختص کی جائے گی۔ واضح رہے کہ گزشتہ بجٹ میں پنجاب پولیس کو 95 ارب روپے جاری ہوئے تھے اور اس سال بجٹ میں ایک کھرب 10 ارب کا بجٹ بھجوایا جائے گا۔ پنجاب پولیس کے بجٹ کی حتمی منظوری حکومت دے گی۔
