فنکار کا عوام میں مقبول ہونا مشکل ہے مگر ناممکن نہیں، ثنا جاوید

لاہور(شوبز ڈیسک) اداکارہ وماڈل ثنا جاوید نے کہا ہے کہ موجودہ دورمیں بھی فنکاروں کو اس طرح کے مقام کوپانے کیلئے جدوجہد کرنے کی ضرورت ہے تاہم کسی فنکار کا عوام میں مقبول ہونا مشکل ہے مگر ناممکن نہیں۔میڈیاسے گفتگو کرتے ہوئے ثنا جاوید نے کہا کہ قیام پاکستان سے آج تک مختلف ادوارمیں بہت سے مقبول فنکارہوئے اوران کا تذکرہ کیے بغیرفلم انڈسٹری کی تاریخ مکمل نہیں ہوتی، لیکن پاکستان کے عظیم فنکاروں کی بات کریں توماضی کے معروف فنکاروں نے اپنی صلاحیتوں کے بل پرفلم انڈسٹری کوجس مقام پرپہنچایا، اس تک پہنچنے کیلئے موجودہ دورکے فنکاروں کو بڑا لمبا سفرطے کرنا ہوگا۔ کیونکہ ماضی میں نہ تومیڈیا تھا اور نہ ہی سوشل میڈیا، لیکن اس کے باوجود فنکاروں کے چاہنے والے ان کی ہربات سے باخبررہتے تھے۔