اسلام آباد: وفاقی کابینہ کے 4 ارکان نے اپنے عہدوں کا حلف اٹھالیا جن میں 2 وفاقی وزیر اور 2 وزرائے مملکت شامل ہیں۔نئی وفاقی کابینہ کے 4 ارکان نے اپنے عہدوں کا حلف اٹھالیا، حلف برداری کی تقریب ایوان صدر میں ہوئی جہاں صدر مملکت ممنون حسین نے حلف لیا۔ حلف اٹھانے والوں میں 2 وفاقی وزیر اور 2 وزرائے مملکت شامل ہیں دانیال عزیز اور ممتاز تارڑ نے وفاقی وزیر جب کہ دوستین ڈومکی اور ایاز شاہ شیرازی نے وزرائے مملکت کا حلف اٹھایا۔ وزرا کی حلف برداری کے بعد کابینہ کی تعداد 47 ہوگئی ہے۔
