لاہور (شوبزڈیسک)لالی وڈ کی فلم” نا بینڈ نا باراتی“ کی تشہیر کے لئے اداکار میکال ذوالفقار اور اداکارہ نایاب خان لاہور پہنچ گئے۔فلم کو رومانس اور جذبات کا خوبصورت امتزاج کہا جارہا ہے۔ جبکہ مزاح سے بھرپور ڈائیلاگ کے تڑکے سے یہ ناظرین کا دل لبھائے گی۔فلم کی کاسٹ نے تشہیر کے لئے لاہور میں پریس کانفرنس رکھی جس میں لیڈ کاسٹ نے فلم کے مختلف پہلوو¿ں پر روشنی ڈالی اور رومانس سے بھرپور کہانی اور موڈ بیان کیا۔فلم کی کاسٹ میں اداکارہ کومل فاروقی، عتیقہ اوڈھو، اور اداکار قوی خان سمیت دیگر شامل ہیں۔ جبکہ فلم میں گلوکار راحت فتح علی خان اور شفقت امانت علی نے اپنی آواز کا جادو جگایا ہے۔
