لاہور(کلچرل رپورٹر) اداکارہ ثوبیہ خان سنگاپور سے واپس پاکستان پہنچ گئی،اداکارہ نے آتے ہی ”ناگن “ کی ریکارڈنگ میں حصہ لیا،اس کے علاوہ پی ٹی وی کے نئے ڈرامے کی شوٹنگ بھی ریکارڈ کرائی۔ثوبیہ خان نے وطن واپسی پر مصروف ترین دن گزارا،اس حوالے سے اداکارہ نے بتایا میں اپنے کام اور گھر والوں کو پہلی ترجیح دیتی ہوں۔میراے کام کی وجہ سے میری پہچان بنی ہے اور میں جو وعدہ کرتی ہوں اس کو ہر ممکنہ حد تک پورا کرنے کی کوشش کرتی ہوں۔سنگاپور کا میرا دورہ بہت اچھا رہا ہے وہاں بھی کچھ پروجیکٹس التواءکا شکار تھے جن کو مکمل کرانا بہت ضروری تھا۔پاکستان واپس پہنچتے ہی اپنے ڈرامے”ناگن“ کی آخری قسط کی ریکارڈنگ کو مکمل کرایا ہے اس کے علاوہ ایک اور پی ٹی وی کا ڈرامہ ریکارڈ کرا رہی ہو جو عید کے بعد آن ایئر ہو گا۔
