اسلام آباد: وزارت داخلہ کا کہنا کہ نتائج میں تاخیر کی وجہ رابطوں میں کمی تھی۔
ترجمان وزارت داخلہ کے مطابق ریٹرننگ افسروں تک نتائج کی پروسیسنگ میں تاخیر سے متعلق عوام اور میڈیا کے خدشات کا جائزہ لیا۔ تاخیر کی وجہ رابطوں میں کمی تھی جو کہ فول پروف سیکورٹی کے لیے اختیار کی گئی احتیاطی تدابیر کا نتیجہ تھی۔
وزارت داخلہ کا مزید کہنا تھا کہ عملے اور بیلٹ دونوں کے تحفظ کو یقینی بنانے کے لیے جامع پروٹوکول ہیں جس میں خاصا وقت صرف ہوا۔ صورتحال اب تسلی بخش ہے اور توقع ہے کہ نتائج کی آمد کا سلسلہ جاری رہے گا۔
