ممبئی: بھارت اور نیوزی لینڈ کے درمیان میچ میں روڈ ٹکر بطور امپائر ون ڈے میچز کی سنچری مکمل کرلیں گے۔
ورلڈکپ سیمی فائنلز کیلیے میچ آفیشلز کا اعلان کردیا گیا، بھارت اور نیوزی لینڈ کے درمیان پہلے میچ کی صورت میں روڈ ٹکر بطور امپائر ون ڈے میچز کی سنچری مکمل کرلیں گے، اسی مقابلے میں انگلینڈ کے رچرڈ النگورتھ بھی فیلڈ آفیشل کی ذمہ داری انجام دیں گے، تھرڈ امپائر جوئیل ولسن، فورتھ آفیشل ایڈرین ہولڈاسٹاک اور میچ ریفری اینڈی پائی کرافٹ ہوں گے۔
اسی ورلڈکپ کے دوران ون ڈے میچز کی سنچری مکمل کرنے والے رچرڈ کیٹل برو آسٹریلیا اور جنوبی افریقہ کے درمیان دوسرے سیمی فائنل میں امپائرنگ کریں گے، انھیں فیلڈ میں نیتن مینن جوائن کریں گے، کرس گیفنی تھرڈ اور مائیکل گف فورتھ امپائر ہوں گے، میچ ریفری کی ذمہ داری جواگل سری ناتھ کو سونپی گئی ہے۔
