چشتیاں: (ویب ڈیسک) نواحی علاقہ 24 گجیانی کے قریب پیش آنے والے خوفناک حادثے میں 6 افراد جان کی بازی ہار گئے، جاں بحق افراد شادی میں شرکت کے لئے جا رہے تھے۔
تیز رفتار کار موٹر سائیکل سے ٹکرانے کے بعد درخت کو جا لگی، حادثے میں 6 اموات کے علاوہ 2 افراد زخمی بھی ہوئے ہیں۔
ریسکیو ٹیموں نے موقع پر پہنچ کر لاشوں کو ہسپتال منتقل کر دیا جبکہ حادثے سے متعلق ابتدائی معلومات میں یہ چیز سامنے آئی ہے کہ حادثہ تیز رفتاری کے باعث پیش آیا۔
