لندن: (ویب ڈیسک) مسلم لیگ ن کے قائد نواز شریف اور پارٹی کی چیف آرگنائزر مریم نواز سے مشیر وزیراعظم و صدر مسلم لیگ ن خیبرپختونخوا انجینئر امیر مقام کی ملاقات ہوئی۔
ملاقات میں ملک کی موجودہ سیاسی صورتحال اور خیبرپختونخوا ن لیگ سے متعلق سیاسی امور پر تبادلہ خیال کیا گیا، ملاقات میں پارٹی امور پر مشاورت بھی کی گئی۔
سابق وزیراعظم نواز شریف نے مسلم لیگ ن خیبر پختونخوا کے صدر کو آئندہ انتخابات کے لیے خیبرپختونخوا میں پارٹی کارکنوں کو متحرک کرنے کی ہدایت بھی کی۔
