کراچی: (ویب ڈیسک) انٹربینک مارکیٹ میں امریکی ڈالر کی قیمت میں مزید ایک روپے 56 پیسے کا اضافہ ہوا، سٹاک مارکیٹ میں 184 پوائنٹس کی کمی دیکھی گئی۔
کاروباری ہفتے کے تیسرے روز انٹر بینک میں ڈالر 56 پیسے اضافے سے 185 روپے کے ریٹ پر فروخت ہوا، بعد ازاں تجارت کے دوران مزید ایک روپے کی بڑھوتری ہوئی اور ڈالر ایک روپے 56 پیسے اضافے سے 186 روپے کے ریٹ پر فروخت ہوا۔ دوسری جانب سٹاک مارکیٹ میں مندی کے سبب 184 پوائنٹس کی کمی ہوئی اور 100 انڈیکس 46 ہزار 149 پوائنٹس پر آ گیا۔
واضح رہے کہ چار روز میں ڈالر کی قیمت میں 3 روپے 46 پیسے اضافہ ہوا ہے۔ 16 اپریل کو ڈالر181 روپے 54 پیسے پر بند ہوا تھا۔
