کراچی: (ویب ڈیسک) سٹاک ایکس چینج میں مثبت رجحان کے سبب 571 پوائنٹس کا اضافہ دیکھنے میں آیا۔
کاروباری ہفتے کے چوتھے روز سٹاک ایکس چینج میں لین دین کے دوران 571 پوائنٹس اضافے سے 100 انڈیکس 43 ہزار 614 پوائنٹس کی سطح پرپہنچ گیا۔
واضح رہے کہ روس یوکرین جنگ کے سبب عالمی معیشت مسلسل زوال کا شکار تھی تاہم گذشتہ روز صورتحال تبدیل ہوتی دکھائی دی اور پاکستان سٹاک مارکیٹ میں اُتار چڑھاؤ کے بعد تیزی کی واپسی ہوئی۔ 100 انڈیکس 164.61 پوائنٹس کی تیزی کے بعد 43042.96 پوائنٹس کی سطح پر پہنچ کر بند ہوا۔ پورے کاروباری روز کے دوران کاروبار میں 0.38 فیصد کی بہتری دیکھی گئی جبکہ 8 کروڑ 22 لاکھ 31 ہزار 20 شیئرز کا لین دین ہوا تھا۔
