پاکستان نے بھارتی وزیراعظم نریندر مودی کا مقبوضہ کشمیر میں جمہوریت کا دعویٰ مسترد کر دیا۔
ترجمان دفتر خارجہ کی جانب سے جاری بیان میں کہا گیا ہے کہ بی جے پی کی نام نہاد جمہوریت صرف بندوق کے زور پر کشمیریوں کی آوازد بانے کے لیے ہے۔
دفتر خارجہ کے ترجمان کا کہنا ہے کہ بھارتی قیادت کے جھوٹے دعوے مقبوضہ کشمیر کے عوام کی آواز نہیں دبا سکتے۔
ترجمان دفتر خارجہ کا کہنا ہے کہ بھارت معاملات کو اُلجھانے کی بجائے مقبوضہ کشمیر سے غیر قانونی قبضہ ختم کرے۔
