عمران خان کے نقل اتارنے پر بلاول بھٹو زرداری کا ردعمل

اسلام آباد (ویب ڈیسک)وزیراعظم عمران خان نے پاکستان پیپلز پارٹی کے چیئرمین بلاول بھٹو زرداری کی نقل اتارتے ہوئے انہیں ’لبرلی کرپٹ‘ قرار دیا ہے۔ہزارہ موٹروے کی افتتاحی تقریب سے خطاب میں وزیراعظم عمران خان نے سربراہ جمعیت علمائے اسلام فضل الرحمان(جے یو ا?ئی۔ ف) مولانا فضل الرحمان اور چیئرمین پیپلز پارٹی بلاول بھٹو زرداری پر خوب تنقید کی۔عمران خان نے کہا کہ پاکستان میں اگر کوئی دھرنے کا ایکسپرٹ ہے تو وہ خود ہیں، پہلے ہی کہا تھا کہ یہ لوگ ایک مہینہ کنٹینر میں گزاردیں میں ان کی ساری باتیں مان جاو¿ں گا۔وزیراعظم نے یہ بھی کہا کہ ڈیزل کے نام پر بکنے والے سے آج جو مرضی چاہے فتوے کے لیے قیمت لگوالے۔عمران خان نے ایک بار پھر بلاول کو لبرلی کرپٹ قرار دیا ا ور انہی کے انداز میں ان کی نقل بھی کی۔
تم 70 سال کے بوڑھے ہو ، سلیکٹڈ سیاست کرتے ہو، بلاول
وزیراعظم عمران خان کی تنقید کا جواب دیتے ہوئے بلاول نے کہا کہ ’نہ لبرل ہوں نہ کرپٹ ہوں نہ منافق ہوں، میں ترقی پسند اور نظریاتی ہوں، ایک سال سے سیاست میں ہوں‘۔بلاول بھٹو زرداری نے مزید کہا کہ ’تم 70 سال کے بوڑھے ہو،20 سال سے سلیکٹڈ سیاست کرتے ہو‘۔انہوں نے کہا کہ ’اگر عمران خان کی کوئی پہچان ہے تو یوٹرین ہے، منافقت اور کٹھ پتلی ہے‘۔خیال رہے کہ گزشتہ روز بلاول نے اپنی ٹوئٹ کے ذریعے وزیراعظم عمران خان پر تنقید کی تھی جس کے جواب میں تحریک انصاف کے رہنما مراد سعید اور سینیٹر فیصل جاوید نے انہیں آڑے ہاتھوں لیا تھا۔