مسلم لیگ ن کے وفد کی جے یو آئی کے سربراہ مولانا فضل الرحمٰن سے ملا قا ت

اسلام آباد(ویب ڈیسک): مسلم لیگ ن کا وفد احسن اقبال کی قیادت میں جے یو آئی کے سربراہ مولانا فضل الرحمٰن سے آج دوپہر ملاقات کرے گا۔ذرائع کے مطابق وفد پارٹی کی کور کمیٹی کے فیصلوں سے متعلق مولانا فضل الرحمن کو آگاہ کرے گا۔ذرائع کا کہنا ہے کہ وفد مولانا فضل الرحمن کو دھرنا موخر کرنے پر قائل کرنے کی کوشش کرے گا، ن لیگ چاہتی ہے کہ اکتوبر میں آزادی مارچ شروع نہ کیا جائے۔احسن اقبال کی قیادت میں مسلم لیگ ن کا وفد چیئرمین پیپلز پارٹی بلاول بھٹو زرداری سے ہونے والی ملاقات سے متعلق بھی انہیں آگاہ کرے گا، اس کے علاوہ ملاقات کے دوران کل جماعتی کانفرنس (اے پی سی) بلانے پر بھی مشاورت ہو گی۔