حکومت نے بجلی 53 پیسے فی یونٹ مہنگی کردی

اسلام آباد(ویب ڈیسک) وفاقی حکومت نے بجلی 53 پیسے فی یونٹ مہنگی کردی۔ وزارت توانائی نے بجلی مہنگی کرنے کا نوٹیفکیشن جاری کیا جس کے مطابق بجلی کی قیمت میں اضافے کا اطلاق رات 12 بجے سے ہوگا۔نیپرا نے فی یونٹ بجلی ایک روپے 78 پیسے مہنگی کرنے کی منظوری دے دی۔نوٹیفکیشن میں کہا گیا ہے کہ وفاقی حکومت نے بجلی 53 پیسے فی یونٹ مہنگی کی ہے اور یہ قیمت ایک سال کیلئے بڑھائی گئی ہے۔بجلی کی قیمت میں اضافہ نیشنل الیکٹرک پاور ریگولیٹری اتھارٹی (نیپرا) سے منظوری کے بعد کیا گیا۔ بجلی فی یونٹ 53 پیسہ مہنگی ہونے سے صارفین پر سالانہ 53 ارب روپےکا اضافی بوجھ پڑے گا۔ یاد رہے کہ گزشتہ ماہ بھی نیپرا نے جولائی کی فیول پرائس ایڈجسٹمنٹ کی مد میں فی یونٹ بجلی ایک روپے 78 پیسے مہنگی کرنے کی منظوری دی تھی۔