لاہور(شوبزڈیسک)بھارتی اداکارارشد وارثی اور سارہ لورین کی کامیڈی بالی وڈ فلم ” فراڈ سیاں “ کے نمائشی حقوق ڈسٹری بیوشن کلب نے حاصل کرلئے۔ایوارڈ یافتہ ڈائریکٹر پرکاش جھا کی فلم میں سورب شکلا بھی دکھائی دینگے ۔پاکستانی فنکارہ سارہ لورین کی بالی وڈ کی کم بیک فلم ” فراڈ سیاں “ رواں ہفتے 18جنوری کو ڈسٹری بیوشن کلب کے پلیٹ فارم سے پاکستانی سنیماﺅں کی زینت بنے گی ۔ فلم میں سارہ لورین کے مد مقابل ورسٹائل فنکار ارشد وارثی نے مرکزی کردار ادا کیا ہے ۔ راج نیتی ، گنگا جل کے ڈائریکٹر پرکاش جھا نے پروڈیوس کیا ہے ۔ ارشد وارثی نے فراڈی شخص کا کردار اداکیا ۔ مقبول آئٹم نمبر ” چھماں چھماں“ ریمیکس پر اداکارہ ایلی اروم نظر آئینگی جو میوزک چارٹس پر سر فہرست ہے ۔
