ممبئی(شوبزڈیسک )فلم راضی سے شہرت حاصل کرنے والے اداکار وکی کشال نے سلمان خان کی موجودگی میں کترینہ کیف کو شادی کی پیشکش کردی جس پر کترینہ ایک لمحے کے لیے دنگ رہ گئیں۔سوشل میڈیا پر ایک ویڈیو وائرل ہورہی ہے جس میں ایک ایوارڈ شو کی تقریب کے دوران اداکار وکی کشال نے اچانک کترینہ کیف کو شادی کی پیشکش کردی۔دلچسپ بات یہ ہے کہ اس تقریب میں کترینہ کے قریبی دوست سلمان خان بھی موجود تھے۔وکی کی جانب سے شادی کی پیشکش کرنے پر کترینہ کیف ایک لمحے کیلئے دنگ رہ گئیں اور ان سے کچھ بھی بولا نہ گیا بعد ازاں انہوں نے کہاہمت نہیں ہے کترینہ نے شادی کی پیشکش پر یہ جملہ کیوں بولا یہ تو وہی جانتی ہیں تاہم سلمان خان کا ردعمل دلچسپ تھا۔
