ممبئی (شوبز ڈیسک) بالی وڈ اداکارہ دیپیکا پڈوکون نے فلم ”چھپاک“ میں وکرانت میسے کے ساتھ کام کرنے کی تصدیق کر دی۔دیپیکا نے ٹوئٹر پر اپنے پیغام میں فلم ”چھپاک“میں اداکار وکرانت میسے کے ساتھ کام کرنے کی تصدیق کرتے ہوئے کہا ہے کہ چھپاک ایک المیے اور ایک فتح کی داستان ہے جو انسانی روح کی گہرائیوں کا ادراک دیتی ہے۔دیپکا نے ٹوئیٹ میں کہا کہ دیپکا اور میگھنا گلزار نے ہاتھ ملا لئے اس فلم میں تیزاب گردی کا شکار لکشمی اگروال کی کہانی بیان کی جائے گی اور وکرانت میرے مقابل کردار میں ہوں گے۔لکشمی اگروال پر تیزاب کا حملہ 15سال کی عمر میں ہوا تھا اور ان کا کردار32 سالہ دیپیکا کریں گی۔ دیپیکا کے مطابق فلم کی شوٹنگ آئندہ سال مارچ میں شروع ہو گی۔
hma/jav/msb 1223
