بھارتی میڈیا کا آرمی چیف کی ایسے سکھ بھائی سے ملاقات پر واویلا کہ پاک فوج بھی میدان میں آگئی ،جھوٹے پراپیگنڈے کا منہ توڑ جواب

راولپنڈی (ویب ڈیسک )بھارتی میڈ یا نے سکھ رہنما گوپال چاولہ کی آرمی چیف جنرل قمر جاوید باجوہ سے ملاقات پر واویلا کھڑا کردیا جس پر پاک فوج نے بھارتی میڈ یا کے جھوٹے پراپیگنڈے کا منہ توڑ جواب دے دیا۔تفصیل کے مطابق کرتار پور راہداری کی سنگ بنیاد رکھنے کی افتتاحی تقریب میں آرمی چیف نے بھی شرکت کی او ر اس موقع پر وہاں موجود سکھ بھائیوں سے بھی ملاقات کی جس پر بھارتی میڈ یا نے منفی پراپیگنڈہ شروع کردیا اور ایک سکھ رہنما کو خالصتان تحریک کا رہنما بتا کر پاکستان کے مثبت قدم ناکام کرنے کی سازش کی جس پر پاک فوج نے کرارا جواب دے دیا۔مائیکرو بلاگنگ ویب سائٹ ٹوئٹر پر ڈی جی آئی ایس پی آر میجر جنرل آصف غفور باجوہ نے بھارتی میڈ یا کے منفی پراپیگنڈے کی تصاویر شیئر کرتے ہوئے کہا کہ آرمی چیف بلا شناخت موقع پر موجود تمام مہمانوں سے ملے ،بھارتی میڈ یا کا گوپال چاولہ کی آرمی چیف سے دور سے لی گئی تصویر دکھانا تنگ نظری ہے۔